Swiss Roll~~~

Swiss Roll? 瑞士卷是也。但我今天做的不是港式瑞士卷，是西式的。首先要焗一塊海綿蛋糕，但是焗完出來後，我卻覺得塊蛋糕硬了一點，和老師的不同。我最鍾意就是接下來這 part，因為可以捲 sushi。先塗上一層 Raspberry jam，然後再 spread 一層 cream 上去，就可以捲了。Surprisingly，我捲得都不錯喎，哈哈。之後就在蛋糕上滿滿的塗上 cream。但是 masking 始終是我弱項，都是弄不好。好明顯，我又再用遮醜這一招啦！今次唔用朱古力碎，改用杏仁碎。哈！立即又變咗靚仔。嘻嘻，最後擠上朱古力醬，就做好了！

聽落好似好容易，但係一 D 都唔容易呢！我完全就覺得我地面上有好多籮蟹了，點解？倒瀉籮蟹囉！哈哈！捲蛋糕時又捲爛，到沾杏仁碎時又把整條蛋糕跌反了在枱上，搞到辛辛苦苦鋪得靚靚的 cream 全都沒了，又要再搽過，激死我！卒之到放學時才勉強完成，另外一條捲都還沒有淋上朱古力醬！上次黑森林蛋糕就雞手鴨腳，今次就倒瀉籮蟹，唉！下次就不知是什麼了。哈哈！